НАТОнун Ооганстандагы атайын өкүлү Марк Седвилл: "Ооганстандагы жаш балдар, Лондон же Нью-Йорктогу балдарга караганда, өмүрү жакшыраак корголгон", - деп билдирди. Анткен менен Бириккен улуттар уюмунун Балдар кору (ЮНИСЕФ) былтыркы баяндамасында Ооганстанды "Жаш балдар үчүн дүйнөдөгү эң эле коркунучтуу жер" деп атаган. "Рейтер" маалымат агенттиги кабарлаганына караганда, быйылкы жылдын биринчи жарымында эле Ооганстандагы түрдүү чабуулдардан 74 жаш бала набыт болгон.
