“Бүтүн кыргызстан”, “Акыйкат”, “Жашасын Кыргызстан” партияларынын шайлоо жыйынтыгына байланыштуу арызын сот 9-10-ноябрда карайт. Жогорку Соттун маалымат катчысы Бактыбек Рысалиевдин маалымдашынча, БШК шайлоо жыйынтыгын расмий жарыялагандан кийин жергиликтүү сотторго 10 арыз, анын ичинде төртөө саясий партиялардан, үчөө коомдук уюмдардан жана экөө жарандардан түшкөн. 1-Май райондук соту төрт арызды – Коомдук парламенттин, “Замандаш” партиясынын жана эки жарандын арызын карап, канааттандырган жок. Калган арыздар ушул тапта соттун кароосунда жатат.(AzK)
