Бул тууралуу "Азаттыкка" Борбордук шайлоо комиссиясынын өкүлү Жаркын Бапанова билдирди. Анын айтымында, БШК партиялардын тизмеси боюнча каттоо иштерин да азыр толук аягына чыгара элек. Жогорку Соттун маалымат кызматынын билдиришинче, шайлоо жыйынтыгына байланыштуу 10 арыз келип түштү. Маалыматка ылайык, арыздардын бешөө саясий партияларга, үчөө коомдук уюмдарга тиешелүү, ал эми эки арыз жарандардан келди. Бүгүнкү күндө сотто төрт арыз каралып, арыздарды канааттандырбоо тууралуу чечим чыкты. (EBM)
