Европадагы Коопсуздук жана Кызматташтык уюмунун чет элдик байкоочулары америкалык конгресске шайлоо акыйкат өткөндүгүн белгилешти. Ошол эле учурда уюмдун делегациясын жетектеген Жоау Суареш шайлоо айрым учурларда «өтө ыплас болгондугун» белгиледи. Ал саясий рекламага сарпталган каражат боюнча кеңири маалыматтын жоктугу «шайлоонун ачыктыгына» көлөкө түшүргөнүн сынга алды. 2-ноябрдагы шайлоодо оппозициядагы республикачылар 435 мүчөлүү Өкүлдөр палатасынын үстүнөн көзөмөлдү президент Барак Обаманын Демократиялык партиясынан тартып алды.
