Жабыркагандар тууралуу маалымат жок. Окуя Швейцариянын элчилигинде болду. Жарылма дүрмөт оролгон таңгакты элчиликтин короосуна мотоциклчен бир адам ыргытып кеткен. Ушул эле күнү грек полициясы Болгария менен Чилинин дипломатиялык мекемесине жөнөтүлгөн күмөндүү почта таңгагын жок кылышты. Мындан тышкары парламенттин имаратына чукул коюлган жүк ташуучу машинадан жарылма зат табылып, дүрмөтү алынды. Дүйшөмбү күнү бир нече элчиликке жана француз президентинин атына жарылма зат салынган таңгак жөнөткөн эки киши кармалды.
