Ушул тапта Бишкек шаардык аскер гарнизондук сотунда Санжар Бакиев баштаган беш адамдын үстүнөн сот иши башталды. Бул тууралуу сот залынан “Азаттыктын” кабарчысы билдирди. Санжар Бакиев мурдагы президент Курманбек Бакиевдин бир тууганы Жусуп Бакиевдин уулу. С.Бакиев менен кошо мурдагы президенттин дагы башка бир тууганы Акмат Бакиевдин жансакчысы Мирлан Ахмедов, ошондой эле Бектурсун Келдибеков, Замир Нуруев, Базарбай Арзыкулов соттолууда. Аларга 14-майда Жалал-Абад облусунда «башаламандык уюштурган», «мыйзамсыз курал алып жүргөн» жана «бийликти тартып алууга аракет кылган» деген айыптар тагылууда. (IJz)
