Бүгүн Бишкек шаардык саламаттык сактоо департаментинин тез жардам кызматынын автобазасынын айдоочулары Саламаттык сактоо министрлигинде нааразылык акциясын өткөрүштү. Алар менен министр Сабыржан Абдикаримов жолугушту. Айдоочулар айлык акыларын 10 миң сомго чейин көтөрүүнү, иштөө саатынын убактысын тартипке келтирүүнү жана автобазанын жетекчисин айдоочулардын ичинен коюуну, мурда адилетсиз бошоп кеткен айрым айдоочуларды кайра жумшка алууну талап кылышууда. Жолугушуунун натыйжасында, тез жардам айдоочулары көтөргөн бир катар маселелерди биргеликте чечүү максатында 27-октябрда Бишкек шаар мэри Иса Өмүркулов менен биргеликте кездешүү уюштурулмай болду. (IJz)
