"Азаттыктын" кабарчысынын билдиришинче, ушул тапта “Мекен шейиттери” жана “Айкөл Ала-Тоо” кыймылынын отузга чукул мүчөлөрү өкмөт үйүнүн алдында чогулушту. Алар 10-октябрдагы шайлоо жыйынтыгын жокко чыгаруу, кайра саноо, “Ата Журт” партиясын парламентке жолотпоо талаптарын коюп жатышат. Азырынча алар менен бийликтен эч ким жолуга элек. 7-апрелде жакындары окко учкан адамдар, “Мекен шейиттери”, “Айкөл Ала-Тоо”, “7-апрель” кыймылдары 13-октябрда мөөнөтсүз акция башташкан болчу. (AzK)
