Кошмо Штаттардын Коргоо министрлиги алгачкы жолу аскерий кызмат өтөөгө кумсаларды алууга даярдыгын билдирди. Анын алдында Калифорниянын федералдык судьясы 17 жылдан бери иштеп келаткан саясатты токтотуу буйругун чыгарган. Буга чейин армияга гомосексуалдар алынчу эмес. Эрежеге ылайык, командирлерге аскерлерден сексуалдык багыты жөнүндө суроого тыюу салынган. Бирок кимдир бирөөнүн кумсалыгы ачыкка чыгып калса, ал куралдуу күчтөрдөн айдалчу.
