АКШнын Мамлекеттик катчысы Хиллари Клинтон Иранда түрмөдө жаткан эки америкалык турист 6-ноябрда соттоло турганын укканын, буга эч кандай негиз жок экенин айтты. "Иран бийликтери бул эки жаш жигитти бошотуунун гуманитардык жолун карап көрүшөт го деп үмүттөнөбүз", - деди Клинтон. Америкалык үч турист былтыр 31-июлда “Ирандын чек арасына мыйзамсыз кирүүгө аракет кылган” деп кармалган. Аларды азыр америкалык тыңчы деп айыпташууда. Бир туристти күрөө акча менен сентябрда бошотушту. Алар өздөрүнө тагылган айыпты мойнуна алышкан эмес.
