Ушул жылдын 6-сентябрында Президент Роза Отунбаева кол койгон “Экономикалык кылмыш жасагандарга мунапыс жарыялоо жөнүндөгү” жарлыкка ылайык 7-апрелге чейин мамлекетке материалдык жана каржы жактан зыян алып келип, экономикалык кылмыш жасаган деп айыпталган чиновниктерге чыгымдарды кайра мамлекетке кайтаруу сунушталган. Чыгымдарды калыбына келтирген чиновниктер кылмыш жообуна тартылбай тургандыгы, мамлекетке канчалык зыян түшкөнүн он төрт кишиден турган, прокуратура, салык менен бажы кызматтары жана айрым министрликтердин өкүлдөрүнөн түзүлгөн комиссия тактап чыгары айтылган. Мунапыстын мөөнөтү 1-октябрда аяктары белгиленген. (KKs)
