Чыгармачыл мугалимдерди колдоо, билим берүүгө инновациялык ыкмаларды киргизүүнү максат кылган бул сынак бүгүн Аламүдүн районундагы № 1-орто мектепте башталып, 30-сентябрга чейин уланат. Сынактын алкагында “Жылдын мыкты мугалими”, “Мыкты мектеп”, “Мыкты бала бакча” багыттары боюнча жеңүүчүлөр тандалат. Бул конкурсту өткөрүүгө республикалык бюджеттен 1,5 миллион сом бөлүнгөн. Байге фонду 1 миллион 326 миң сомду түзөт. Бул сынакта мугалимдер өз предмети боюнча ачык сабак өтүп, усулдук чеберчилигин көрсөтүшөт. Калыстар тобу ошондой эле алардын билим деңгээлин да сынап көрмөкчү. (KKs)
