Орус президенти Дмитрий Медведев бүгүн Кытайга 3 күндүк визит менен барды. Өкмөт мүчөлөрү жана ишкерлердин ири тобунан турган делегация соода, энергетика тармагындагы алакаларды, анын ичинде россиялык мунай менен газды Кытайга экспорттоо маселелерин талкуулайт. Визиттин жүрүшүндө бир катар келишимдерге кол коюлат деп күтүлүүдө. Дүйшөмбүдө Медведев Кытайдын президенти Ху Цзинтао менен кездешет. Анда Иран жана Түндүк Кореянын атомдук программаларынын айланасында да сөз жүрмөкчү.
