Сербиянын полициясы өлкө түштүгүндөгү көбүн эсе мусулмандар жашаган Нови-Пазар шаарында ишемби күнү болгон тополоңдун бир нече катышуучусу камакка алынганын билдирди. Шаардын мусулман коомчулугу өкмөттүк мекеме курулчу жерди жамаатка таандык деп, ал жерге ээ чыккан. Митинг учурундагы кагылышууда төрт полициячы жарадар болгонун Сербиянын маалымат булактары кабарлады. Нааразылык акциясына миңдей адам катышкан.
Ички иштер министри Ивица Дачичтин сөзүнчө, камакка алынгандар коомдук тартипти бузду деп айыпталууда.