Өлкөнүн батышындагы Берасьце шаарында таанымал укук коргоочу активист Раман Кисляк камакка алынгандыгын «Азыттыктын» беларус кызматы маалымдайт. Кисляк Беларус мамлекетин дайынсыз жок болгондордун эл аралык коалициясына кошулууга чакырык таштаган китепчелерди таратып жүргөндө кармалган. Соңку жылдарда бул өлкөдө бир нече саясатчылар менен журналисттер дайынсыз болуп саналат. Берасьце шаар бийлиги укук коргоочуга борбордук Ленин аянтында китепчелерди таратууга тыюу салган, Кисляк ага макул болгон эмес.
