Кытайдын премьер-министри Вэнь Цзябао өлкөнүн экономикасы туруктуу өсүүсүн камсыздоо үчүн саясый реформа жүргүзүүгө чакырды. Кытай өкмөт башчысы Шэнчжен шаарында сүйлөп, орчун саясый өзгөрүүлөр болбой, өлкө экономиканы модернизациялоо боюнча алдына койгон максаттарына жетпесин белгиледи. Вэнь Цзябонун сөзүнчө, бийликти борбордо ашыкча топтоодон баш тартып, букараларга өкмөттүн ишмердүүлүгүн сындоого мүмкүндүк берүү жана жарандардын “мыйзамдуу демократиялык укуктарын” сыйлоо абзел.
