Мындай чектөө бери дегенде ушул жылдын аягына чейин сакталат дагы Орусиянын ичиндеги тамак-аштын кымбатташына жол бербөө аракетин көздөйт. Орусия буудай өскөн аймактарындагы быйылкы кургакчылыктын айынан жылына өндүргөн буудайдын төрттөн үч гана бөлүгүн алды. Орусия дүйнөдөгү буудай, сулуу, арпа сыяктуу дан азыктарын өндүргөн бирден бир чоң өлкө болуп саналат. Орусиядагы абалга жооп катары АКШнын айыл чарба министрлиги дүйнөдө өндүрүлгөн дан азыктары быйыл 2.3% көп экендигин жана Орусиядагы буудайдын тартыштыгы глобалдык азык-түлүк тартыштыгына алып келбей тургандыгын билдирди.
