“Ата Мекен” партиясынын саясий кеңешинин мүчөсү Өмүрбек Абдырахмановдун “Азаттыкка” билдиргенине ылайык, 2-августта «Ата Мекен» партиясынын төрагасы Өмүрбек Текебаев алдыда өтүүчү парламенттик шайлоонун катышуучуларынын этикалык кодексине кол койду.
“Этикалык кодексте Жогорку Кеңешке шайлоону таза өткөрүү, өлкөдө тынчтыкты сактап, ызы-чууга жол бербөө, атаандаш партиялар бири-бирин жөн жеринен каралабоо, эл арасына жик салбоо сыяктуу жүйөлүү маселелер коюлган”,-дейт Ө.Абдырахманов. (AJ)
