Өлкөнүн түштүгүндөгү Рудаки районундагы медреседе Мавлави Абдукахор ондогон окуучулары менен кошо кармалганын "Азаттыктын" Тажик кызматы билдирди. Ички иштер министринин маалымат катчысы Махмадулла Асадуллоев Абдукахор атайын уруксаты жок болсо да балдарды окутуп, акы алган, саламаттык, тазалып эрежелерин сактаган эмес жана жети жашка чыга элек балдарды окууга алган деп айыпталып жатканын айтты. Асадуллоев акыркысын «айрыкча оор күнөө» деп мүнөздөдү. Абдукахордун урук-туугандары ал жай айларында кошумча окуучуларды кабыл аларын айтышууда.
