Өлкөнүн парламенти жайкы танаписке таркап жатып кабыл алган токтомдо 1921-жылы 25-февралда Советтик Россия Грузияны оккупациялап алган жана жүз миңдеген күнөөсүз адамдарды өлтүргөн деп айтылат. Документте ошондой эле 2008-жылы Россия Федерациясы Грузиянын эки аймагында – Абхазия менен Түштүк Осетияда жаңжал тутантып, эки аймакты тең толугу менен басып алды деп да белгиленет. Парламенттин бул чечимин Россиядагы грузиндер союзунун президенти сынга алды.
