Тышкы иштер министрлигинен кабарлашкандай, конференцияда өлкөдөгү абал, референдумдун жыйынтыктары жана Ош шаарын калыбына келтирүү маселелери талкууланат. Жыйынга Убактылуу өкмөттүн жетекчисинин биринчи орун басары Алмазбек Атамбаев, каржы министринин милдетин аткаруучу Темир Сариев, тышкы иштер министринин милдетин аткаруучу Руслан Казакпаев жана Ош, Жалал-Абад шаарларын калыбына келтирүү боюнча дирекциянын жетекчиси Жантөрө Сатыбалдиев катышат. Конференция Ала-Арча мамлекеттик резиденциясында болот. (AzK)
