Иранда жогорку динатячылардын бири, Аятолла Насер Макарем Ширази "ит баккандар Батышты туурагысы келген адамдар" деп айтты. Анын мындай сөздөрүн “Жаван” гезити келтирет. Батышта балдары менен аялдарынан иттерин жакшы көргөн адамдар көп, - деди динаятчы. Ислам салтында "таза эмес" жандык катары каралган иттер Иранда аз жолугат. Бирок аларды үйлөрүндө кармагандарды анда-санда көрсө болот. Иттерин машинага салып, же аларды коомдук парктарга алып чыккандар айып пулга жыгылышы ыктымал.
