Чек ара кызматынын жетекчисинин орун басары Чолпонбек Турусбековдун “Азаттыкка” айтымында, 16-июнда кыргыз-тажик чек арасында Кыргызстандын айрым жерлерин тажиктер басып алууга аракет кылышкан. Окуя эки тараптуу делимитация иштери бүтө элек Баткен облусунун Тажикстан менен чектешкен Көк-Таш жана Миң-Булак аймактарында болгон. Чек ара кызматкерлеринин аракеттери менен жер басып алууну каалагандар сүрүлүп чыгарылган. Ч.Турусбеков учурда чек араларда маселе жок экенин белгиледи. (КЕ)
