Эстония 2011-жылдын 1-январынан тарта евромейкиндикке кошулат. Евросоюз 17-июнда Брюсселде өткөн саммитинде ушундай чечим кабыл алды.
“Мен Эстонияны куттуктагым келет. Эстония евромейкиндикке өтүүгө зарыл критерийлерди аткарды”, -деп билдирди Еврокомиссиянын төрагасы Жозе Мануэл Барросу.
Эстония евроакчаны колдонгон 17-өлкө болмокчу.
Евробримдикке мүчө 27 өлкө чукул арада негизги банктардын капылет болчу кризиске туруктуулугун аныктоо үчүн “стресс-тестерди” өткөрүүнү туура табышты.
Брюсселдеги жыйында Исландияны Евробиримдикке кабыл алуу боюнча сүйлөшүүнү баштоо жөнүндө да чечим кабыл алынды.
