Жалал-Абад шаардык мэриясынын алдына азык-түлүктөрү түгөнгөн адамдар келишти. Аларга мэрия тарабынан Бишкектен Ошко келаткан кайрымдуулук жардамдан алынган нандар таратылып атат. Ошол эле учурда Жалал-Абад шаарынын көчөлөрүндөгү тартипти өкмөттүк аскерлер көзөмөлдөөдө. Ленин, Нагима Айтматова көчөлөрүн тартип сакчылары кыдырып жүрүшөт. Башка маалыматтарга караганда, шаарда абал тынч, талап-тоноого катыштыгы бар делген 5 адам кармалганы айтылды.(YA)
