Убактылуу өкмөттүн жетекчисиинин орун басары Өмүрбек Текебаевдин жардамчысы Калыс Боронбаевдин “Азаттыкка” билдиришинче, жолугушуу Базар-Коргон районундагы кыргыз улутундагы атуулдар менен өттү. Андан кийин Чек айылындагы өзбек улутундагы адамдар менен жолугушуп, аларды сабырдуулукка, тынчтыкка чакырды. Жолугушууда эки тарап тең айылга беткапчан белгисиз бирөөлөр номуру жок унаалар менен кирип келип, адамдарды, үй, дүкөндөрдү аткылай башташканын айтышкан. Ө.Текебаев элди ар кандай чагымчыл маалыматтарга алдырбоону суранды. (КЕ)
