Эл аралык Human Rights Watch уюму 13-июнда жасаган кайрылуусунда Кыргыз өкмөтүн өлкө түштүгүндөгү зобун-зордукту тезинен токтотууга жана жарандардын коопсуздугун камсыздоого чакырды. Ал ошондой эле эл аралык коомчулукту кыргыз өкмөтү менен бирдикте Өзбекстандын чек арасын көздөй качкан этникалык өзбектерди коргоого алып, аларга гуманитардык жардам көрсөтүүгө үндөдү.
