Жүк ташуучу учак Бишкекке тополоң окуяда жабыркагандарды, жарадарларды, качкындарды - баардыгы 200дөн ашык адамды алып келди. Алардын ичинде он чакты жарадар бар, беш-алтоону абалы оор. Алардан сырткары качкындар жана эл аралык уюмдардын өкүлдөрү келишти. Ушул эле учак менен Оштогу тополоңдо окко учкан чек арачы жоокердин сөөгү алынып келинди. Ал 11-июнда Кашгар-Кыштакта снайпердин аткан огунан каза тапкан.
