Оштогу кандуу тополоң
Ош шаарында 11-июнда түн ичинде тополоң чыгып, кагылышта 17 киши өлүп, 201 адам жаракат алып ооруканага жеткирилди.
10 чакты имарат талкаланып, өрттөлдү.
Ош шаарында, Өзгөн, Кара-Суу жана Араван райондорунда өзгөчө абал жарыяланып, түнкү саат экиден тарта коменданттык саат киргизилди.
Шаарга аскер күчтөрү киргизилип, кырдаалды көзөмөлгө алууда.
Адамдар жыйналып, тынчтыкты сактоого чакырып, түшүндүрүү иштерин жүргүзүшүүдө.