Казакстандын түштүгүндөгү Арнасай кыштагынын акими Басымбек Калжигитовдун бүгүн журналисттерге билдиришинче, өзбек бийликтери айылга келүүчү чоң жолду 7-июн, дүйшөмбүдөн бери тосуп турушат. Мындан бир нече жыл мурда казак-өзбек чек арасы аныкталгандан кийин, Арнасай Өзбекстандын курчоосунда калган, ал түндүк жагынан гана көлмө аркылуу Казакстан менен чектешет. Калжигитов айылда тамак-аш жетиштүү болгон менен, таза суу аз калганын билдирди. Өзбекстан жол тосууга түшүндүрмө бере элек, ортодо сүйлөшүү жүрүп жатат.
