Төрт жылдан бери Израилдин блокадасындагы Газа тилкесине гумжардам алып бараткан «Рашел Коррие» кемесинин кырбуусуна израил аскерлери өтүп келип, 10 мүнөттө кемени басып алышты. Израил армиясынын маалымат кызматына ылайык, кан төгүүгө жол бербөө үчүн, капитан кемедеги бардык адамдарды – 11 палестин активистин жана тогуз кеме кызматкерлерин бир жерге чогулткан. Дүйшөмбү күнү Израилдин атайын күчтөрү Газага бараткан жардам флотилиясына кол салганда тогуз киши, негизинен Түркиянын жарандары каза тапкан. Бириккен Улуттардын адам укуктары боюнча баш өкүлү бүгүн ал кан төгүүгө байланыштуу Израил Эл аралык Кылмыш сотуна берилиши мүмкүн экендигин маалымдады.
