Бүгүн Ички иштер министрлигинин академиясында жашы жете элек өспүрүмдөр арасында кылмыштуулукту азайтуу, алдын алуу боюнча илимий-практикалык эл аралык жыйын өтөт. Иш-чарага Орусиянын, Казакстандын жана Украинанын эксперттери катышат. Жаза өтөө мекемелер башкармалыгынын жетекчисинин милдетин аткаруучу Таалай Нуралиев “Азаттыкка” соңку учурда Кыргызстанда кылмышка аралашкан өспүрүмдөр көбөйүп жатканын, айрыкча оор кылмыштар арбын экенин билдирген болчу. (EBM)
