Ички иштер министрлиги апрель окуяларынан кийин элдин колунда калган курал-жарактарды таап кайра алуу үчүн “Арсенал” деп аталган кеңири текшерүү иштерин баштады. Иш-чара бүгүнтөн тарта 24-июнга чейин созулат. Анын жүрүшүндө курал-жарактарды өз эрки менен тапшыруу тууралуу түшүндүрүү иштери да жүргүзүлөт. Апрель окуяларынан кийин жүздөгөн курал-жарак элдин колуна өтүп кеткен. ИИМ куралдарды өз эрки менен тапшыргандар жоопкерчиликтен бошотуларын эскертип жатат. (EBM)
