Ыңкылап каармандарына эстелик
17-майда "Форум" ишканасынын алдында 7-8-апрелдеги демонстрацияда курман болгондорго арналып таштан эстелик коюлду
17-майда "Медиа-Форум" ишканасынын алдында ыңкылап курмандыктарына арналган митинг-реквиемге он миңге жакын адам катышт
Ыңкылап каармандарына коюлган таш эстеликке Убактылуу өкмөт төрайымы биринчи болуп гүлдесте койду.
Убактылуу өкмөттүн төрайымынын биринчи орун басары Алмазбек Атамбаев ыңкылап каармандарынын эстелигине гүлдесте коюуда.
Митинг-реквиемде чогулган элдин алдында Убактылуу өкмөттүн башчысынын орун басары Өмүрбек Текебаев чыгып сүйлөдү.
Митинг-реквиемге жаштар уюмдарынын өкүлдөрү арбын келишти.
"Медиа-Форумдун" жанында Бириккен элдик кыймыл уюштурган митинг-реквиемдин соңунда үн күчөткүч аркылуу "Манас" эпосундагы “Берген анттан мен тайсам, төбөсү ачык көк урсун, төшү түктүү жер урсун” деген саптар жаңырып, Убактылуу өкмөттүн төрайымы Роза Отунбаева жана анын орун басарлары Алмаз Атамбаев менен Өмүрбек Текебаев, Убактылуу өкмөт мүчөлөрү Иса Өмүркулов, Эмил Каптагаев элдин ишенимин актоого ак дилден кызмат кылып, ынтымакта таза иштөөгө ант беришти.