Акыркы 50 жыл ичинде өз ара согушуп кетчидей абалга бир нече ирет кептелген эки коңшу өлкөнүн өкмөт башчылары ортодогу чыңалууну басаңдатууну макулдашты. Түрк премьер- министр Режеп Тайып Эрдоган Афинага 10 министрдин, 80дей ишкердин коштоосунда барган. Сүйлөшүүлөрдүн соңунда тараптар ар кандай чөйрөдөгү кызматташтыкты караган 21 келишимге кол коюшту. Ошондой эле аскерий чыгымдарды кыскартуу маселесин да талкуулашты.
