Убактылуу өкмөттүн басма сөз кызматынан билдиришкендей, эртең Апрель ыңкылабынын курмандыктарынын кыркылыгына арналган бир катар иш чараларды өткөрүү белгиленүүдө. Алгач Ата-Бейит көрүстөнүнө гүл коюлуп, андан кийин Жал кичи районунда маркумдардын жакындары үчүн салынчу үйдүн жер пайын түптөө иш-чарасы өтөт. Ушул эле жерде Убактылуу өкмөт мүчөлөрү жараат алгандар жана курман болгондордун туугандары менен жолугушат. Ушул эле күнү Мамлекеттик тарых музейинде 6-7-апрелдеги ыңкылап окуяларды чагылдырган сүрөт көргөзмөсү уюштурулат. (КЕ)
