Мексика булуңуна ченемсиз көп төгүлүп калкыган кара майдын уюткусун шамал жума күнү Лиузиананын жээгине айдап жеткирчү болуп турат. АКШнын ички коопсуздук министири Жанет Неополитано айым Мексика булуңундагы кырсык “улуттук деңгээлдеги” коркунуч туудурганын билдирди:
-Аккан кара май улуттук деңгээлдеги мааниге ээ. Анткени, каражатты бүтүндөй өлкөдөн жана жээк бойлогон аймактардан кесип алабыз.
Ырасмий эсептөөлөр боюнча, өткөн аптадагы кара майды бургулоо маалындагы жардыруудан бери ар күнү 5 миң баррел мунай агууда. Андан улам Луизиана штатында чукул кырдаал абалы жарыяланды.