7-апрель курмандыктарына эстелик орнотулду
Апрел ыңкылабында курман болгондорго Ак үйдүн алдында эстелик орнотулду
Өлкөнүн жети облусунун жаштарынын демилгеси менен 13-апрелде ак мрамордон тургузулган эстелик 7-8-апрелде кандуу кагылышта курман болгондордун жаркын элесине арналды.
Борбордук аянттагы кан тамган жердин бардык жерине гүл коюлду.
7-апрелде окко учкандарга гүл коюуну каалагандардын аягы суюла элек.
Аянтка келгендер окко учкандарга багыштап куран окушууда.
7-апрель күнкү ыңкылап 83 адамдын өмүрүн алып кетти.