Азербайжандын Улуттук коопсуздук министрлиги маалымдаганына караганда, Баку шаарындагы мектеп менен бала бакчага кол салууну көздөгөн 8 киши кармалды. 5 эркек жана 3 аялдан турган топ 16-мартта камалган. Бирөө Чечен жумуриятынын, калгандары Азербайжан жарандары болуп чыкты. Министрликтин ырастоосунда, топ Азербайжан аймагына Грузиядан мыйзамсыз өтүп, мектеп жана бала бакчанын чатырына курал-жарак, жардыргыч заттарды жашырып койгон.
