Элдик курултай. Бишкек, 17-март

Бишкекте «Медиа-форум» комплексинин алдында оппозициялык күчтөрдүн Элдик курултайына үч миңдей адам чогулду.

Курултайдын катышуучулары “Үй-бүлөлүк башкарууга жол жок!”, “Исмаил Исаковго боштондук!”, “Бүлекбаев, Аргымбаев, Рыскуловго боштондук!”, “Гуревичти сотко!” “Азаттыкка азыттык!” деген ураандар жазылган плакаттарды көтөрүп турушат.

Чогулган элдин алдында БЭКтин төрагасы Алмазбек Атамбаев, лидерлер Роза Отунбаева, Эмил Каптагаев жана «Ата Мекен» партиясынын төрагасы Өмүрбек Текебаев, орун басары Дүйшөн Чотонов ж.б. турушат.

Курултай өтүп жаткан жерге жети боз үй тигилди. Бул өлкөнүн жети облусунун өкүлдөрүнө арналып тигилген боз үйлөр.

Курултайга оппозициядагы партиялардын, кыймылдардын жана ар кандай бирикмелердин өкүлдөрү катышып жатышат.

Элдик курултайды уюштуруу комитетинин төрайымы жана СДП фракциясынын лидери Роза Отунбаева курултайдагы сөзүндө бийликти кескин сынга алды.

Курултайдын катышуучулары “Үй-бүлөлүк башкарууга жол жок!”, “Исмаил Исаковго боштондук!”, “Бүлекбаев, Аргымбаев, Рыскуловго боштондук!”, “Гуревичти сотко!” “Азаттыкка азыттык!” деген ураандар жазылган плакаттарды көтөрүп турушат.