Жакынкы Чыгыштагы тынчтык жараянын кайра жандандыруу аракетинде Жо Байден бүгүн президент Шимон Перес менен жолукту. Анын алдында Байден Израил менен палестиндердин элдешүүсүнө жагымдуу мүмкүнчүлүк түзүлүп жаткандыгын билдирген. Ал Иерусалимге келген кечээ күнү Израил менен палестиндер АКШнын арачылыгы астында кыйыр сүйлөшүүгө макул болгондугу жарыяланды. Сүйлөшүүлөрдүн токтоп калганына 15 айдай болгон. Ал тапта Израилдин өкмөтү Батыш Жээктеги жөөт айылында 100дөн ашык үй курууну жактырды.
