Эмгек жана миграция министри Айгүл Рыскулованын айтымында, Кыргызстанда үй-бүлөдөгү зомбулук статистикасы өсүүдө. Бул тууралуу министр айым БУУ үйүндө “Аялдарга карата зомбулукту бирге токтотобуз” кампаниясы башталганына байланыштуу уюштурулган конференция маалында билдирди. Анын маалыматына ылайык, ИИМ билдирүүсүндө 2009-жылы 2 миң 116 үй-бүлөдө зомбулук катталган. 2008-жылы бул көрсөткүч 1 миң 241 санын түзгөн. (EK)
