Шайлоонун БШК жарыялаган баштапкы жыйынтыгына караганда, президент Эмомали Рахмондун Элдик демократиялык партиясы добуштардын 71,7% алды. Пезидент партиясынан тышкары парламентке оппозициядагы Ислам кайра жаралуу жана өкмөтчүл Коммунисттик партия да кире алат. Баштапкы маалыматтар боюнча Ислам кайра жаралуу партиясы 7,74%, ал эми коммунисттер 7,22% добушка ээ болгон. Шайлоонун толук жыйынтыгы он күн ичинде чыгарылмакчы. ЕККУнун жана Европарламенттин байкоочулары Тажикстандын жекшембиде өткөн шайлоосу “демократиянын базалык стандарттарына жооп бербегендигин” белгилешти.
