Анда эки жыл мурун Курманбек Бакиев Кыргызстан экологиялык жактан таза айыл чарба продукциясын өндүрүп, кошуна мамлекеттердин базарын ээлейт деп айтканын эстеп, бирок ал аткарылбай Кыргызстандын эт, сүт, картошкасынын сатылышына кошуна өлкөлөр тосмо койгонун билдирген. Партия ошондой эле Россия, Казакстан, Беларусь түзгөн Бирдиктүү экономикалык аймактын ишке кирүүсү менен Кыргызстан оор абалга тушугарын, мунун баарына өткөн жылы Ганси базасы боюнча Бишкектин туруксуз позициясы себеп болгонун атап, бул өксүктөр Курманбек Бакиевдин тышкы саясатынын жыйынтыгы экенин белгилеген.(AiT)
