Нарын шаарындагы №1, 4, 9 жана облустук жатак мектеп лицейдин жамааттары 24-февралда нааразычылык акциясына чыккан жатышат. Бул тууралуу 10-февралда Акыйкатчынын Нарын облустук өкүлчүлүгүнө Кайрылуу, ал эми Нарын шаар мэриясына билдирүү берилгендигин акцияга катышуучу Алымбек Кудайбергенов «Азаттыкка» маалымдады. Акцияга чыгуучулар электр наркы кымбаттаган шартта электр акысын төлөөгө жеңилдиктерди берүү жана тоолуу аймактарга төлөнүүчү 50 пайыздык кошумча төлөмдөрдү өзгөртүүсүз калтыруу талаптарын коюшмакчы. Кайрылууга жана билдирүүгө аталган 4 орто мектептен 183 жаран кол коюшкан. (KUs).
