2005-жылы 6-майда киргизилген бул мораторийди алып салуу сунушу бүгүн Жогорку Кеңештин агрардык саясат, экология жана аймактык өнүгүү комитетинде жаңырды. Депутат Айнура Кенжебаева мындай чектөө март ыңкылабынан кийин жер талаштан улам киргизилгенин айтып, бүгүнкү күнү мындай маселе жоктугун белгиледи. Депутат айым жерге ээлик алгандар аны сатып же ижарага бергенге укуктуу деп эсептеп, жер участкаларын сатууга чек койгон жобо Башмыйзамга жана Жарандык жана Жер кодексине туура келбейт деген пикирде. (EK)
