7-февралдагы мамлекет башчысын шайлоонун экинчи айлампасына катыша турган экс-премьер Виктор Янукович атаандашы Юлия Тимошенко менен теле аркылуу кайым айтышуудан баш тартты. Ал Тимошенконун шайлоо убадаларын «ыплас» деп мүнөздөдү. Юлия Тимошенко мунун алдында Януковичти аны колдогон олигархтардан улам «мафиянын кол баласы» деп атаган эле. Тимошенко пландалган теле-дебатка жалгыз болсо да келе тургандыгын бышыктады. Янукович биринчи айлампада добуштардын 35 пайызы менен жеңип алган, Тимошенко андан болгону 10 пайыз артта калган.
