Александр Лукашенка кол койгон жардык менен интернет операторлору 1-июлдан тартып «интернетке кошулуучу жабдыктар жана көрсөтүлгөн кызматтар тууралуу маалымат сактоого» милдеттендирилди. Лукашенка жаңы эле интернеттеги домен аталыштарына уруксат берүүчү жана интернетте кандай маалымат берилиши керектигин чечүүчү аналитикалык агенттик түздүргөн эле. Азыр эми операторлор бул агенттик талап кылган сайттарды 24 саатын ичинде жаап салууга тийиш болот. Оппозиция өз веб-сайттарынын жабылып калышынан тынчсызданууда.
