Мындай маалыматты Нарын облустук акимчилигинин бөлүм башчысы Айсалкын Карасартова билдирди. Татаал шарттан улам облуска жаш врачтардын келиши өтө сейрек. Нарын облустук үй-бүлөлүк медицина борборунун деректири Кыял Мамбеталиевдин айтымында, дарыгерлердин көрсөткүчү республикада 10 миң адамга 23,4 болсо, Нарын облусунда бул көрсөткүч 14,8ди түзөт. Натыйжада улгайган врачтарды иштетүүгө туура келүүдө. Ошондой эле айыл жерлеринде үй-бүлөлүк дарыгерлер тобу менен аймактык ооруканалардын бир имаратта орун алышы, кадрдык жана материалдык чыгымдарга алып келүүдө деп санашат жергиликтүү адистер. (KUs)
