Парламенттик комиссияга ылайык, мусулман аялдардын бардык мамлекеттик жайларга, анын ичинде мектеп, ооруканаларга жана коомдук унаага паранжа жамынып киришине тыюу салынышы керек. Бирок комитет бетти да чүмкөгөн паранжаны көчөдө же жеке менчик жайларда кийүүгө тыюу салууну сунуш этүүгө барган жок. Депутаттар ошондой эле «радикал диний практиканын» айныксыз белгилерин көрсөткөндөргө Францияда жашоого же жарандык алууга уруксат берилбеши керек деп эсептешет.
